Har bitta seriasini qoldirmasdan, qayta-qayta ko’rardim. Lekin so’ngi mavsumini ko’rishgacha yetib bora olmadim. Hali vaqt yo’q, hali hoxish, ba’zida esa bu serialni ko’radigan “настрой”da emasman.

Avvaliga qiziqish faqat menda pasaydi deb o’yladim. 
Keyin yon-atrofga qaradim. Do’stlarim avvalgidek berilib mohokama qilishmayapti, internetda memlar va tahliliy videolar kamaygan. 
Avval bu mavzudan qochib qutula olmas eding.

Menimcha bunda ikkita asosiy sabab bor. Birinchisi – shovqin! Ha, internetdagi to’xtovsiz ma’lumot oqimi, Reels, Shorts, Tik-Tok va shu kabi narsalar miyamizni achitib tashladi. 
Ulardan charchab “Rik va Morty” ko’raman desam u yerda ham har ikki sekundda kadr o’zgaradi, personajlar tez almashib, syujet ustiga syujet to’xtovsiz yog’iladi. 
O’ta chuqur focus bilan ko’rmasang qaysidur muhim voqea yoki hazlni o’tkazib yuborasan. 
Bu degani endi sen umumiy ritmdan ham tushib qolding. Qandaydur hotirjamlik va halovat yetishmayotgandek.

Bu serial chiqqan paytlari uchun yaxshi bo’lgan. Hali internetda miyasi chirib ulgurmagan yoshlar uchun dinamikasi baland serial ayni muddao edi. Har soniyada qanaqadur “движ”. Hozir unday emas menimcha. Endi miyaga dam beradigan kontent ko’proq qadrlansa kerak. “Severance” bunga yaqqol misol.

Yana bitta sababi albatta syujet. U nafaqat juda zich, tartibsiz va palapartish, balki, allaqachon tugab bo’lgan. Keyingi mavsumlar esa shunchaki

“Davominiyam ishlab qo’yilik endi. Odamla so’ravottiyu”

 

degan logika bilan qilingan. Men uchun serialning asosiy, ORIGINAL syujeti 7-mavsum 5-seriada tugab bo’lgan. Rick Prime bilan birga bosh qahramonimizning maqsadlari, motivatsiya va hayotga qiziqishi ham o’ladi (menimcha).

 

Rik va Morty shak-shubhasiz insoniyat tarixidagi eng zo’r multseriallardan biri! Men uni haligacha yaxshi ko’raman. 
Balki qachondur yana tomosha qilish uchun jur’at toparman. Lekin endi hech qachon avvalgidek qiziqish va zavq bilan ko’ra olmasam kerak. 
Oddiy tilda aytganda – serial yomon qaridi…